Bu gün Şahbuz Rayon Təhsil Şöbəsi və Şahbuz Rayon Gənclər və İdman İdarəsinin birgə təşkilatçılığı ilə rayonun ümumitəhsil məktəblərinin VI sinif şagirdləri arasında onlayn bilik yarışı keçirildi. Yarışda Şahbuz Rayon Təhsil Şöbəsinin əhatə etdiyi 10 məktəbin şagirdləri iştirak etdi. Şagirdlərə “Azərbaycan dili”, “Ədəbiyyat”, “Tarix”, “Coğrafiya” və “Biologiya” fənlərinin hər birinə aid    5 olmaqla, ümumilikdə 25 sual təqdim edilib.

Yarışın keçirilməsində əsas məqsəd şagirdlərin bilik səviyyəsinin yoxlanılması, onların ayrı-ayrı fənlər üzrə qazandıqları bilikləri aşkar etmək idi.

Müsabiqənin yekun nəticəsinə görə Şahbuz şəhər 1 saylı tam orta məktəbin VI sinif şagirdi Kərimli Aydan I, Ayrınc kənd tam orta məktəbin VI sinif şagirdi Muradova Gözəl II, Kükü kənd tam orta məktəbin VI sinif şagirdi Rzayeva Sevgi isə III yerə layiq görülmüş və qaliblərə diplomlar təqdim edilmişdir.