Kəngərli Rayon Təhsil Şöbəsinin və Uşaq-Gənclər Yaradıcılıq Məkəzinin birgə təşkilatçılığı ilə rayon ümumtəhsil məktəblərinin II-IV sinif şagirdləri arasında “1 İyun-Uşaqların Beynəlxalq Müdafiəsi Günü”nə həsr olunmuş virtual rəsm müsabiqəsi keçirilib.
Müsabiqənin keçirilməsində məqsəd uşaqların asudə vaxtında öz yaradıcılıqlarını inkişaf etdirmək, bədii düşüncə tərzini, zövq və yaradıcılıq duyğularını formalaşdırmaq, habelə onların rəssamlıq sənətinə marağını stimullaşdırmaq və istedadlı uşaqları üzə çıxarmaqdan ibarətdir.
Müsabiqəyə rayonun ümumtəhsil məktəblərindən 100-dən çox şagird virtual qaydada 150-dən çox əsər təqdim edib. Müsabiqədə şagirdlərin öz duyğu və düşüncələri ilə işlənilmiş, orjinal ideyası, ustalığı ilə seçilən əsərlərə üstünlük verilib. Müsabiqənin qalibləri diplom və hədiyyələrlə mükafatlandırılıblar.
Ülviyyə HACIYEVA
Naxçıvan Muxtar Respublikası
Təhsil Nazirliyinin mətbuat xidməti