Elan

Naxçıvan Muxtar Respublikası Təhsil Nazirliyi müxtəlif səbəblərdən ümumi orta və tam orta təhsil səviyyəsini başa vura bilməyən və həmin səviyyə üzrə buraxılış imtahanı verərək attestat almaq istəyənlər üçün sənəd qəbulu elan edir!

Eksternat qaydada attestat almaq istəyənlər üçün aşağıdakı sənədlər tələb olunur:

1. Şəxsiyyət vəsiqəsinin notarial qaydada təsdiq olunmuş surəti;

2. Ümumi orta təhsil haqqında şəhadətnamənin notarial qaydada təsdiq olunmuş surəti

3. 3x4 santimetr ölçüdə 2 ədəd rəngli fotoşəkil

4. Təhsil müəssisəsindən hansı sinfi bitirdiyinə dair arayış;

5. Hərbi xidmət haqqında sənədin surəti (fərdi məlumatlar və xidmət illəri qeyd edilmiş səhifələr);

6. Ərizə (müvafiq ərizə forması Naxçıvan Muxtar Respublikası Təhsil Nazirliyində doldurulur).

Sənədlər 21 noyabr 2022-ci il tarixdən 19 dekabr 2022-ci il tarixədək saat 9⁰⁰-dan 18⁰⁰-dək Naxçıvan Muxtar Respublikası Təhsil Nazirliyində qəbul ediləcəkdir.

Eksternat qaydada keçiriləcək aralıq imtahanı 06 yanvar 2023-cü il tarixdə Naxçıvan şəhər 11 nömrəli tam orta məktəbdə saat 10⁰⁰-da olacaqdır.

Eksternat qaydada attestat almaq istəyənlərin nəzərinə çatdırlır ki, aralıq imtahanlarında yalnız ümumi orta təhsil səviyyəsi üzrə 16, tam orta təhsil səviyyəsi üzrə isə 18 yaşını tamam etmiş şəxslər iştirak edə bilər!

Ünvan: Naxçıvan şəhəri, Nizami 51

Əlaqə nömrəsi: (036) 545-02-06

Naxçıvan Muxtar Respublikasının Dövlət İmtahan Mərkəzi

Naxçıvan Muxtar Respublikasının dövlət ümumi təhsil

müəssisələrində vakant vəzifələrə işə qəbul üçün

MÜSABİQƏ ELAN EDİR

Naxçıvan Muxtar Respublikasının Dövlət İmtahan Mərkəzi tərəfindən Naxçıvan Muxtar Respublikasında müəllimlərin dövlət ümumi təhsil müəssisələrinə işə qəbulu üçün 12 noyabr 2022-ci il tarixdə elan edilmiş müsabiqə elanı ilə aşağıdakı link vasitəsilə tanış ola bilərsiniz.

https://dim.nmr.az/wp-content/uploads/2022/11/elan_tehsil.pdf