Naxçıvan Muxtar Respublikası Ali Məclisi Sədrinin “Naxçıvan Muxtar Respublikası təltiflərinin verilməsi haqqında” 6 mart 2020-ci il tarixli Sərəncamı ilə təhsil sahəsində səmərəli fəaliyyətlərinə görə Hüseynova Məryəm Rzaqulu qızı və Abbasova Zəriş Tofiq qızı “Naxçıvan Muxtar Respublikasının Əməkdar müəllimi” fəxri adı ilə təltif olunublar.

Hüseynova Məryəm Rzaqulu qızı - 1977-ci ildə Babək rayon Xətai kəndində anadan olub. 1994-cü ildə Babək rayon Sovedabad kənd orta məktəbini bitirib. Həmin il Naxçıvan Dövlət Universitetinin Fizika-riyaziyyat fakültəsinin fizika ixtisasına əyani formada daxil olub, 1998-ci ildə eyni ixtisas üzrə təhsilini başa vurub.

1994-2002-ci illərdə Babək rayon Nehrəm kənd 2 nömrəli orta məktəbində  müəllim, 2002-ci ildən bu günədək Naxçıvan şəhər 17 nömrəli tam orta məktəbdə müəllim işləyir.

Abbasova Zəriş Tofiq qızı - 1964-cü ildə Şərur rayon Cəlilkənddə anadan olub. 1981-ci ildə Cəlilkənd kənd orta məktəbini bitirib. 1982-ci ildə  Y.H.Məmmədəliyev adına Naxçıvan Dövlət Pedaqoji İnstitutunun İbtidai təhsilin pedaqogikası və metodikası fakültəsinin ibtidai sinif müəllimi ixtisasına qiyabi formada daxil olub, 1988-ci ildə eyni ixtisas üzrə təhsilini başa vurub.

1981-1988-ci illərdə Şərur rayon musiqi məktəbində müəllim, 1988-ci ildən bu günədək Şərur şəhər 2 nömrəli orta məktəbində ibtidai sinif müəllimi işləyir.