Naxçıvan şəhər 10 nömrəli tam orta məktəbin müəllimi Qəbulov Tofi̇q Məmmədsadiq oğlunun  “Yer kürəmiz qatarımız” adlı kitabı işıq üzü görüb.

Tofiq Qəbul 1957-ci ildə anadan olmuşdur. O, 1979-cu ildə Naxçıvan Dövlət Pedaqoji İnstitutunu bitirib. Azərbaycan dili və ədəbiyyat müəllimidir. Həmçinin Tofiq müəllim çox yaxşı şahmatçıdır. 2009-cu ildən Azərbaycan Yazıçılar Birliyinin üzvüdür.

Şair 80-ci illərdən respublika mətbuatında və yerli mətbuatda maraqlı bədii nümunələr ilə çıxış edir. “Yer kürəmiz qatarımız” şeir və məqalələr kitabı şairin oxucularla səkkizinci görüşüdür.

“Yer kürəmiz qatarımız” şeir və məqalələr kitabı özündə bütün hisləri cəmləyib. Kitabda daha çox uşaq şeirləri, təmsillər, şagirdlərin vətənpərvərlik ruhunda tərbiyəsi məqsədi ilə yazılan şeirlər yer alır.

Tofiq Qəbulu bu dəyərli kitabının çapı münasibəti ilə təbrik edirik!