Ümumtəhsil müəssisələrində təhsil dayandırıldıqdan sonra Ordubad rayon ümumtəhsil məktəblərində də tədris onlayn qaydada davam etdirilir. Müəllimlər şagirdlərin dərslərdən geri qalmamaları üçün səylə çalışırlar. “Evdə qal, dərsdən qalma” aksiyasına iri yaşayış məntəqələri ilə yanaşı, ucqar dağ kəndlərinin məktəbləri də qoşulub.

Rayonun yaşayış məntəqələrində sürətli internetin olması müəllim və şagirdlərə evdə qalmaqla təhsili davam etdirilmələrinə geniş imkan verir. Hazırda rayonda fəaliyyət göstərən müəllimlər “Evdə qal, dərsdən qalma” şüarı altında birləşərək müxtəlif proqramlar vasitəsi ilə görüntülü dərslər təşkil edir, şagirdlərə tapşırıqlar verir və mövzuları izah edirlər.

Bununla yanaşı, Naxçıvan Muxtar Respublikası Ali Məclisi Sədrinin 2017-ci il 28 avqust tarixli Sərancamı ilə təsdiq edilmiş “Oxunması zəruri olan kitablar” mütaliə olunur və onlayn müzakirələr keçirilir.

Ordubad Rayon Təhsil Şöbəsi