Sədərək Rayon Təhsil Şöbəsinin tabeliyində olan ümumtəhsil məktəblərinin IX-XI sinif şagirdləri arasında onlayn qaydada ümummilli lider Heydər Əliyevin anadan olmasının 97-ci ildönümünə həsr olunmuş “Ürəklərdə yaşayan dahi” adlı inşa yazı müsabiqəsi keçirilib.

8 may 2020-ci il tarixindən Sədərək Rayon Təhsil Şöbəsi tərəfindən elan edilmiş müsabiqədə Sədərək Rayon Təhsil Şöbəsinin müdiri, məktəb direktorları, Sədərək kənd        1 nömrəli tam orta məktəbin Azərbaycan dili və ədəbiyyatı müəllimi və ümumtəhsil məktəblərinin IX-XI sinifləri üzrə 10 şagird iştirak etmişdir.

Müsabiqənin yekun nəticəsinə əsasən, onlayn yoxlama üzrə I yerə Sədərək kənd       2 nömrəli tam orta məktəbin X sinif şagirdi Vəliyeva Nurtən Həmzə qızı, II yerə Sədərək kənd 1 nömrəli tam orta məktəbin XI sinif şagirdi Qasımov Natiq Bəxtiyar oğlu və III yerə isə Heydərabad qəsəbə tam orta məktəbinin IX sinif şagirdi Eyvazov Malik Əhməd oğlu layiq görülmüşlər.

Qaliblər Sədərək Rayon Təhsil Şöbəsi tərəfindən diplomlarla mükafatlandırılmışlar.