Sabahdan ali təhsil müəssisələrinə qəbul olmaq üçün abituriyentlərin sənəd qəbulu başlanır.

Abituriyentlərin sənəd qəbulu onlayn şəkildə mayın 12-dən iyunun 5-dək aparılacaq.

Qəbul imtahanlarının iyulun 20-dən sonra bir dəfə keçirilməsi nəzərdə tutulur. Əvvəlki illərdə olduğu kimi, müsabiqə buraxılış və qəbul imtahanlarında toplanılan ballar əsasında 700 ballıq şkala əsasında aparılacaq.

I-IV ixtisas qruplarının biri üzrə imtahanda iştirak etmiş abituriyentlər eyni zamanda V ixtisas qrupu üzrə müsabiqədə iştirak edə bilərlər (qabiliyyət imtahanında müvəffəqiyyət qazanmaq şərti ilə). Qəbul imtahanı proqramlarından martın 1-dən sonra tədris olunan mövzular (11-ci sinfə aid) çıxarılır və imtahanlarda həmin mövzuların qiymətləndirilməsi nəzərdə tutulmur.

Naxçıvan Muxtar Respublikası Təhsil Nazirliyi 25 gün davam edəcək sənəd qəbulu zamanı ali təhsil almaq istəyində olan abituriyentlərin vaxt itkisinə yol vermədən qeydiyyatdan keçmələrini və sənəd qəbulu zamanı hər hansı çətinliklə rastlaşdıqları halda Şəhər və Rayon  Təhsil şöbələri və ümumtəhsil məktəbləri tərəfindən köməklik göstərmələri üçün müraciət etmələrini tövsiyə edir.