Pandemiya dövründə Culfa Rayon Uşaq-Gənclər Yaradıcılıq Mərkəzi tərəfindən uşaqların asudə vaxtlarını səmərəli təşkil etmək, onların yaradıcılıq qabiliyyətini inkişaf etdirmək məqsədilə mərkəzin dərnək üzvləri arasında müvafiq proqramlar vasitəsi ilə mütəmadi olaraq usdad dərslər, müsabiqələr keçirilir.
Təşkil edilmiş müsabiqələrin davamı olaraq 8 aprel 2020-ci il tarixində Mərkəzin “Rəsm” və “Xalçaçılıq” dərnəyinin üzvləri arasında “Evdə qal Sağlam ol” devizi altında onlayn müsabiqə keçirilmişdir. Müsabiqənin nəticəsi olaraq əl işləri ilə fərqlənən yaradıcılıq mərkəzinin dərnək üzvləri Cəfərova Narcan Nurəddin qızı I, Adıgözəlova Şənxanım Mübariz qızı II, Məmmədova Gülgəz Mais qızı isə III yerə layiq görülərək diplomlarla təltif edilmişdir.
Qazançı kəndində yaradılmış “Xalçaçılıq” dərnəyinin rəhbəri Xıdırova Zülfiyyə Məmmədəli qızının toxuduğu xalça nümunələri “ZOOM” proqramı vasitəsilə onlayn şəkildə dərnək üzvlərinə göstərilmiş və bu sənətə olan marağı artırmaq üçün xalçaçılıq sənətinin sirləri haqqında dərnək üzvlərinə məlumat verilmişdir.