Pandemiya ərəfəsində “Oxunması zəruri olan kitablar”ın siyahısına daxil olan kitabların onlayn müzakirəsi Ordubad rayon ümumtəhsil məktəblərində də diqqətdə saxlanılıb. Bu gün mütaliə vərdişlərinin aşılanmasına və şagirdlərin evdə keçirdikləri vaxtın səmərəli istifadəsinə şərait yaradılması məqsədilə Ordubad rayon Yuxarı Əylis kənd tam orta

məktəbinin kitabxanaçısı Aynurə Fətəliyeva məktəbin IX-Xl sinif şagirdləri ilə “Oxunması zəruri olan kitablar”ın siyahısına daxil olan “Cəlil Məmmədquluzadənin seçilmiş əsərləri” kitabının onlayn müzakirəsini keçirib.

Müzakirədə Cəlil Məmmədquluzadənin həyat və yaradıcılığından və ədibin əsərlərinin milli oyanış və dirçəlişə, azərbaycançılıq idealarına və istiqlala həsr olunması haqqında söhbət aparılıb.

Müzakirə sual-cavab şəklində yekunlaşıb.