Bildiyimiz kimi Azərbaycanda, o cümlədən muxtar respublikada yeni növ koronavirus (COVİD-19) infeksiyasının yayılmasının qarşısının alınması məqsədilə məktəblərdə təhsil müvəqqəti dayandırılmışdır. Naxçıvan Muxtar Respublikası Təhsil Nazirliyinin tədris prosesinin dayandırıldığı müddət ərzində təlim-tədris prosesinin məsafədən təşkilinə dair tövsiyəsi əsasında məktəblərdə tədris onlayn şəkildə davam etdirilir.

Naxçıvan Muxtar Respublikası Şahmat Federasiyasının Culfa rayon bölməsi və Culfa Rayon Təhsil Şöbəsinin birgə təşkilatçılığı ilə Culfa Rayon Uşaq Gənclər Şahmat İdman Məktəbində rayonun ümumtəsil məktəblərinin I-IX sinif şagirdləri arasında növbəti onlayn dərslər dərs cədvəlinə uyğun olaraq keçirilmişdir. Məktəbimizdə fəaliyyət göstərən müəllimlər “Evdə qal, şahmat oyna” şüarı altında birləşərək şagirdlər üçün “Zoom” proqramı vasitəsilə proqrama uyğun onlayn dərslər keçirirlər.

Culfa Rayon Uşaq Gənclər Şahmat İdman Məktəbinin məşqçi müəllimi Nərmin İsmayılova 19 may 2020-ci il tarixdə növbəti onlayn dərs keçmişdir. Dərsdə “İspan oyununda debütdə buraxılmış səhvlər” mövzusunda oyun nümunələrinə baxılmışdır, keçirilən onlayn dərsdə rayon ümumtəhsil məktəblərinin 48 şagirdi iştirak etmişdir.