Şahbuz Rayon Təhsil Şöbəsinin təşkilatçılığı ilə Şahbuz Rayon Uşaq Gənclər Yaradıcılıq Mərkəzi tərəfindən rayonun ümumtəhsil məktəblərinin şagirdləri arasında “Ailə dəyərlərimiz” onlayn rəsm müsabiqəsi keçirilib.

Müsabiqədə Şahbuz Rayon Təhsil Şöbəsinin əhatə etdiyi 14 məktəbin şagirdi iştirak edib. Rəsm müsabiqəsinin keçirilməsində məqsəd istedadlı şagirdlərin üzə çıxarılması, ailə dəyərlərinin qorunub saxlanılması, təbliğ edilməsi, bu dəyərlərimizi yeniyetmə və gənclərə aşılamaqdan ibarət idi.

Müsabiqənin yekunu nəticəsinə görə Qızıl Qışlaq kənd tam orta məktəbin VI sinif şagirdi Hacıyev Uğur I yerə, Şahbuz şəhər I nömrəli tam orta məktəbin VII sinif şagirdi Qasımova Təhminə II yerə, Keçili kənd tam orta məktəbin X sinif şagirdi Bayramov Ümid III yerə laiq görülmüşdür. Qaliblərə Rayon Təhsil şöbəsi tərəfindən hazırlanmış diplomlar təqdim edilib.

Ülviyyə Hacıyeva

Naxçıvan Muxtar Respublikası

Təhsil Nazirliyinin mətbuat xidməti