Muxtar respublikanın bütün məktəblərini əhatə edən Ümumtəhsil İnformasiya Sistemi yaradılmışdır. Burada əsas məqsəd məktəb, pedoqoji və texniki heyət, maddi baza və şagirdlər haqqında dəqiq məlumatların qeyd olunmasıdır.

Bütün bunları nəzərə alaraq, Ordubad Rayon Təhsil şöbəsinin tabeliyində olan ümumtəhsil məktəblərində UTİS-ə cavabdeh şəxslərə “Ümumtəhsil İnformasiya Sistemi proqramının tətbiqi və məlumatların dəqiqliyinin təmin olunması” mövzusunda onlayn müzakirə təşkil olunub. Müzakirədə Rayon Təhsil Şöbəsinin Ümumtəhsil İnformasiya Sistemi Proqramı üzrə aparıcı məsləhətçisi Elşən Babayev heyət bölməsində daxil olunması lazım olan məlumatları ekranda paylaşaraq görüntülü şəkildə izah edib.

Ülviyyə Hacıyeva

Naxçıvan Muxtar Respublikası

Təhsil Nazirliyinin mətbuat xidməti