Culfa Rayon Təhsil Şöbəsi metodkabinetini müdiri Kamran Cəfərov məktəb psixoloqu Gülnar Cəfərova ilə birlikdə abituriyentlərlə “Buraxılış və qəbul imtahanları ilə bağlı psixoloji dəstək” mövzusunda onlayn müzakirə aparıblar.

Onlayn müzakirənin əsas məqsədi buraxılış və qəbul imtahanları zamanı məzunlara motivasiya olunması üçün psixoloji dəstəyin göstərilməsi idi.

XI sinif üzrə braxılış imtahanlarının təşkili qaydaları, ali təhsil müəssisələrinə qəbulun aparılma qaydaları və XI sinif üzrə buraxılış imtahanında mart-iyun aylarında tədrisi nəzərdə tutulan mövzuların tədris olunmadığı üçün buraxılış imtahanı proqramalarından çıxarılması haqqında abituriyentlərə ətraflı məlumatlar verilib.

Görüşdə 26 tam orta məktəbin XI sinif şagirdləri iştirak edərək ətraflı məlumatla təmin ediliblər. Görüş zamanı məzunları düşündürən suallar cavablandırılıb və onlara buraxılış və qəbul imtahanlarında uğurlar arzulanıb.

Ülviyyə Hacıyeva

Naxçıvan Muxtar Respublikası

Təhsil Nazirliyinin mətbuat xidməti