Məlumdur ki, Azərbaycanda, o cümlədən muxtar respublikada yeni növ koronavirus (COVİD-19) infeksiyasının yayılmasının qarşısının alınması məqsədilə məktəblərdə təhsil müvəqqəti dayandırılmışdır. Naxçıvan Muxtar Respublikası Təhsil Nazirliyinin tədris prosesinin dayandırıldığı müddətdə təlim-tədris prosesinin məsafədən təşkilinə dair tövsiyəsi əsasında Sədərək rayon ümumtəhsil məktəblərində və Uşaq Gənclər Şahmat Məktəbində tədris onlayn şəkildə davam etdirilir.

Verilmiş tapşırığa əsasən, Sədərək Rayon Şahmat Məktəbinin şagirdləri Naxçıvan Şahmat Federasiyasının müəllimləri tərəfindən “Evdə Qal Şahmat Oyna” sloqanına qoşulublar. Sədərək rayon şahmatçıları dərslərin müvəqqəti dayandırılmasına baxmayaraq şahmatla məşğul olur, internet üzərindən keçirilən onlayn yarışlarda və dərslərdə iştirak edirlər.

Keçirilən tədbirlərin davamı olaraq Naxçıvan Muxtar Respublikası Şahmat Federasiyasının Sədərək rayon bölməsi və Sədərək Rayon Təhsil Şöbəsinin birgə təşkilatçılığı ilə Sədərək Rayon Uşaq Gənclər Şahmat Məktəbində rayonun ümumtəsil məktəblərinin II-VIII sinif şagirdləri arasında növbəti onlayn dərslər dərs cədvəlinə uyğun olaraq keçirilib. Rayon ümumtəhsil məktəblərinin müəllimləri “Evdə qal, şahmat oyna!” şüarı altında birləşərək şagirdlər üçün proqrama uyğun onlayn dərslər keçirirlər.

Sədərək Rayon Uşaq Gənclər Şahmat Məktəbinin dərs hissə müdiri Valeh İbrahimzadə 22 may 2020-ci il tarixdə növbəti onlayn dərs keçib. Dərsdə “Yeni başlayanlar üçün ən yaxşı şahmat açılışları” mövzusunda oyun nümunələrinə baxılıb.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti