Muxtar respublikada uşaq problemlərinin həlli istiqamətində müxtəlif layihələr həyata keçirilir, uşaqların müdafiə olunması və onlara qayğı göstərilməsi istiqamətində çoxsaylı işlər görülür. Pandemiya dövründə də uşaqlar diqqət və qayğı mərkəzindədir. Ordubad Rayon Təhsil Şöbəsinin təşkilatçılığı ilə rayon ümumtəhsil məktəblərinin müəllim və şagirdləri “1 İyun-Uşaqların Beynəlxalq Müdafiəsi Günü” ilə əlaqəli silsilə onlayn tədbirlər keçirirlər.

Ordubad şəhər 3 saylı tam orta məktəbin Azərbaycan dili və ədəbiyyatı müəllimi Nüsranə Seyidova IX sinif şagirdləri ilə bu günün tarixi barədə müzakirə edib. Onlayn müzakirədə şair və mütəfəkkirlərin uşaqlar haqqında fikirləri və müxtəlif şeirlər şagirdlər tərəfindən səsləndirilib. Uşaqlar onlara göstərilən diqqət və qayğıdan məmnun olduqlarını bildiriblər.

Müəllimə uşaqlara xoşbəxtlik, sevinc və sevgi dolu gələcək diləyib, onları “1 İyun-Uşaqların Beynəlxalq Müdafiəsi Günü” münasibəti ilə təbrik edib.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti