Milli Qurtuluş Gününə həsr olunmuş Naxçıvan Muxtar Respublikası məktəblərinin şahmatçıları arasında komanda birinciliyi keçiriləcək.
Komanda birinciliyi 12-13 iyun 2020-ci il tarixlərdə şahmatçılar arasında dostluq və idman əlaqələrini inkişaf etdirmək məqsədilə Naxçıvan Şahmat Federasiyasının təşkilatçılığı ilə Şərur rayon Şahmat məktəbində keçiriləcək.
Turnirdə hər komanda 4 oğlan və 2 qız şahmatçı ilə mübarizə aparacaq. Qeyd edək ki, komanda tərkibindəki şahmatçılar 8,10,12 və 14 yaş qruplarını təmsil etməlidirlər.
Əlavə olaraq yarış dairəvi sistem ilə keçiriləcək və hər şahmatçıya 1 saat vaxt veriləcək. Komandanın qələbəsi 2 xal, heç-heçə 1 xal, məğlubiyyət isə 0 xalla hesablanacaq.
Turnirin açılışı 12 iyun saat 11:00-da Şərur rayon Şahmat məktəbində baş tutacaq.
