Bu gün Şahbuz Rayon Təhsil Şöbəsinin təşkilatçılığı ilə rayonun məktəbdənkənar təhsil müəssisələrinin dərnək üzvləri arasında “15 İyun-Milli Qurtuluş Günü” münasibətilə onlayn şeir müsabiqəsi keçirilib.

Təhsil Şöbəsinin baş məsləhətçisi Xanlar Səfərəliyev dərnək üzvlərinə müsabiqənin şərtləri və qaydaları haqqında geniş məlumat verib. Sonra dərnək üzvləri vətənə, doğma torpağın gözəlliklərinə və ulu öndərimiz Heydər Əliyevə həsr olunmuş şeirlər səsləndiriblər.

Müsabiqənin sonunda qaliblər müəyyənləşdirilib və mükafatlandırılıb.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti