Sədərək Rayon Təhsil Şöbəsinin təşkilatçılığı ilə Sədərək kənd 1 nömrəli və Qaraağac kənd  tam orta məktəblərində onlayn pedaqoji şura iclasları keçirilib.

İclasda rayon Təhsil Şöbəsinin müdiri, əməkdaşları, sinif rəhbərləri və məkəb rəhbərləri iştirak ediblər. İclasda çıxış edən Sədərək rayon Sədərək kənd 1 nömrəli tam orta məktəbin Sinifdən xaric və dərsdənkənar işlər üzrə direktor

müavini Sirac Qarayev və Qaraağac kənd tam orta məktəbinin direktoru Ayaz Əliyev şuranın gündəliyində duran məsələləri diqqətə çatdırıb, 2019-2020-ci tədris ilinin yekunu və qarşıda duran vəzifələr haqqında iclas iştirakçılarına məlumat verib.

İclasda dərsliklərin yığılması, saxlanılması, məktəb və sinif rəhbərlərinin I-VIII, X sinif şagirdlərinin sinifdən-sinifə keçirilməsi, vəzifədarların illik hesabatları, Hərbi rəhbərlərin hesabatları, məktəbdaxili qiymətləndimənin yeni təlimata uyğun aparılması haqqında hesabatlar,        XI siniflərin buraxılış imtahanlarına buraxılması ilə bağlı məruzələr dinlənilib və yuxarıda qeyd edilən hesabatlar haqqında müvafiq qərarlar qəbul olunub.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti