Şahbuz Rayon Təhsil Şöbəsi və Şahbuz Rayon Uşaq-gənclər İdman Məktəbinin birgə təşkilatçılığı ilə rayonun ümumtəhsil məktəblərinin komandaları arasında futbol yarışı keçirilib. Yarışda əvvəl Təhsil Şöbəsinin aparıcı məsləhətçisi Fikrət Cəfərov idmanın sağlamlıq üçün oynadığı roldan və məktəblilərin asudə vaxtlarının səmərəli keçirilməsində əhəmiyyətindən söz açıb və idmançılara uğurlar arzulayıb.

Şagirdlərin asudə vaxtlarının səmərəli təşkili məqsədi ilə təşkil edilən yarışda Şahbuz şəhər 1 və 2 nömrəli tam orta məktəblərin komandaları qarşılaşıb. Maraqlı idman mübarizəsi şəraitində keçirilən yarışda Şahbuz şəhər 1 nömrəli tam orta məktəbin komandası 1-0 hesabı ilə qalib gəlib.

Sonda qaliblər mükafatlandırılıb.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti