23 iyun 2020-ci il tarixdə Sədərək rayon Şahmat məktəbində Sədərək Rayon Təhsil Şöbəsinin, Gənclər və İdman İdarəsinin, Naxçıvan Muxtar Respublikasının Şahmat Federasiyasının Sədərək Rayon Bölməsinin və Yeni Azərbaycan Partiyasının Sədərək Rayon Təşkilatı Gənclər Birliyinin birgə təşkilatçılığı ilə “26 İyun-Azərbaycanın Silahlı Qüvvələri Günü” münasibətilə yeniyetmələr arasında şahmat üzrə rayon birinciliyi keçirilib.
Tədbirdə çıxış edən Sədərək rayon Şahmat məktəbinin dərs hissə müdiri Valeh İbrahimzadə bildirib ki, Azərbaycan Respublikası Silahlı Qüvvələrinin yaradılması müstəqil Azərbaycanın dövlət quruculuğunun mühüm nailiyyətlərindən biridir deyə geniş məlumat verərərək yarışı açıq elan edib.
Maraqla keçən yarışın yekun nəticələrinə əsasən I yerə Sədərək kənd 1 nömrəli tam orta məktəbin VI sinif şagirdi Nurşən İbrahimzadə, II yerə Sədərək kənd 1 nömrəli tam orta məktəbin II sinif şagirdi Anar İbrahimzadə və III yerə isə Sədərək kənd 2 nömrəli tam orta məktəbin II sinif şagirdi Bayram İsmayılov layiq görülüb.
Yarışın sonunda qaliblər diplomlarla təltif ediliblər.
Ülviyyə HACIYEVA
Naxçıvan Muxtar Respublikası
Təhsil Nazirliyinin mətbuat xidməti