Culfa Rayon Təhsil Şöbəsi və Turist-Diyarşünaslıq Mərkəzinin birgə təşkilatçdığı ilə Mərkəzin dərnək üzvlərinin Gülüstan türbəsinə virtual ekskursiyası təşkil edilib.

Ekuskursiyanın təşkil olunmasındsa məqsəd Mərkəzin dərnək üzvlərinin asudə vaxtlarının səmərəli təşkili və Naxçıvanın tarixi-memarlıq abidələrinin, mədəni irsinin tanıdılması, dərin köklərə malik olan tariximizin şagirdlərə təbliği idi.

Mərkəzin metodisti Tükəzban Əhmədzadə rayonun ərazisində yerləşən tarixi abidələr, onların tarixi, qorunub saxlanılması haqqında,  “Gülüstan” Tarix-Mədəniyyət Qoruğunun elmi işçisi Günay Xudaverdiyeva isə XII əsr Azərbaycan xatirə memarlığının ən dəyərli nümunələrindən və böyük Əcəmi Naxçıvani məktəbinin yadigarı olan Gülüstan türbəsinin tarixi haqqında dərnək üzvlərinə ətraflı məlumat verib.

Culfa Rayon Turist-Diyarşünaslıq Mərkəzində pandemiya ilə əlaqədar olaraq tədrisin dayandırılmasına baxmayaraq milli mənəvi dəyərlərimizi, qədim adət-ənənələrimizi və əxlaqi dəyərlərimizi qorumaq, dərin köklərə malik olan tariximizi təbliğ etmək, gənc nəsli bu ruhda tərbiyə etmək məqsədi ilə onlayn tədbirlər davam etdirilmişdir.

Sonda dəmək üzvlərini maraqlandıran suallar cavablandırılıb.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti