Sədərək Rayon Təhsil Şöbəsi və Uşaq Gənclər Yaradıcılıq Mərkəzinin birgə təşkilatçılığı ilə yay tətili dövründə uşaqların asudə vaxtlarının səmərəli təşkili məqsədilə onlayn rəsm müsabiqəsi keçirilib. Müsabiqədə Təhsil şöbəsinin əməkdaşları, Uşaq Gənclər Yaradıcılıq Mərkəzinin dərnək rəhbərləri, ümumtəhsil məktəblərinin şagirdləri və dərnək üzvləri iştirak ediblər.
Tədbirdə çıxış edən Uşaq Gənclər Yaradıcılıq Mərkəzinin direktoru Arif Həmzəyev şagirdlərə tədbir haqqında geniş məlumat verərərək müsabiqəni açıq elan etmişdir.
Maraqlı keçən müsabiqənin sonunda münsiflər heyətinin yekun qərarına əsasən Sədərək kənd 1 nömrəli tam orta məktəbin V sinif şagirdi Sevgi Abdullazadə I yerə, Sədərək kənd 1 nömrəli tam orta məktəbin VIII sinif şagirdi Məhəmməd Bağırov II yerə, Sədərək kənd 2 nömrəli tam orta məktəbin III sinif şagirdi Fəridə Həsənova isə III yerə layiq görülüb.
Sonda qaliblər diplomla təltif olunublar.
Ülviyyə HACIYEVA
Naxçıvan Muxtar Respublikası
Təhsil Nazirliyinin mətbuat xidməti