27 iyul 2020-ci il tarixdə Naxçıvan Muxtar Respublikası Təhsil Nazirliyinin təşkilatçılığı ilə Ekoloji Tərbiyə Mərkəzində dərnək üzvləri arasında muxtar respublikanın fauna və florasını dərindən öyrənmək məqsədilə  “Doğma diyarımızın təbiəti” mövzusunda onlayn ekoloji viktorina keçirilib.

Viktorinanın keçirilməsində əsas məqsəd məktəblilərin yay tətilinin səmərəli təşkili, istedadlı uşaqların aşkar edilməsi, muxtar respublikanın zəngin təbiəti, fauna və florası, təbii sərvətləri haqqında dərnək üzvlərinə ətraflı məlumat verməkdən ibarət idi.

Viktorinada dərnək üzvlərinə muxtar respublikanın ekologiyasına həsr edilmiş 30 sual təqdim olunub və hər sualın cavablandırılması üçün iştirakçılara 1 dəqiqə vaxt verilib.

Sonda ən yüksək nəticə göstərən Məmmədtağı İsmayıllı I yerə, Nəcibə Əsgərova II yerə, Zümrüd Babazadə isə III yerə layiq görülüb və təşkilatçılar tərəfindən diplomla mükafatlandırılıblar.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti