Babək rayon ümumtəhsil məktəblərinin şagirdlərinin yay tətili müddətində asudə vaxtlarının səmərəli təşkili məqsədilə bir sıra müsabiqələr, bilik yarışları təşkil edilir. Belə müsabiqələrdən biri də 30 iyul 2020-ci il tarixdə Babək şəhər 1 nömrəli tam orta məktəbində açıq havada müxtəlif yaş qrupları arasında keçirilən tennis yarışıdır. Babək Rayon Təhsil Şöbəsi və Uşaq Gənclər İdman Məktəbinin birgə təşkilatçılğı ilə keçirilən yarışın nəticələrinə görə Qurban Süleymanzadə I yerə,  İlkin Süleymanzadə II yerə, Fərid Abdullayev isə III yerə  layiq görülüb. Sonda qaliblər diplomla təltif olunublar.

Eyni zamanda Sədərək​ Rayon Təhsil Şöbəsi və Uşaq Gənclər İdman Məktəbinin birgə təşkilatçılığı ilə rayon ümumtəhsil məktəblərinin qız və oğlan şagirdləri arasında açıq havada “Topun aşağıdan və yuxarıdan ötürülməsi” mövzusunda açıq dərs keçirilib. Təhsil Şöbəsinin əməkdaşları, İdman məktəbinin məşqçi müəllimləri və şagirdlərinin iştirakı ilə keçirilən tədbirdə Sədərək rayon  Uşaq Gənclər İdman Məktəbinin  voleybol dərnəynin məşqçi müəllimi Lətif Salahov topun aşağıdan və yuxarıdan ötürülməsi mövzusunda şagirdlərə geniş məlumat verərək şagirdləri maraqlandıran suları cavablandırıb. Daha sonra açıq dərs şagirdlərin voleybol topu ilə məşqlərilə yekunlaşıb.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti