Məktəblilərin yay tətilinin səmərəli təşkili məqsədilə Naxçıvan şəhər 9 nömrəli tam orta məktəbin süni örtüklü maydançasında voleybol üzrə yoldaşlıq görüşü keçirilib. Görüşdə Naxçıvan Qarnizonu tam orta məktəbinin “Qartal” komandası və Naxçıvan Şəhər Uşaq Gənclər İdman Məktəbinin komandası qarşılaşıb.

Tədbirdə çıxış edən Naxçıvan Şəhər Gənclər və İdman İdarəsinin rəisi Xəyal Qurbanov görüşün keçirilmə məqsədi haqqında komandalara geniş məlumat verib və onlara qalibiyyət sevinci arzulayıb. Daha sonra Naxçıvan Şəhər Təhsil Şöbəsinin əməkdaşı Şahmar Hüseynov və Naxçıvan Şəhər Uşaq Gənclər İdman Məktəbinin direktoru Məmmədcəfər Əliyev çıxış edərək komandalara uğurlar arzulayıb.

Görüşün yekununa əsasən Naxçıvan Qarnizonu tam orta məktəbinin “Qartal” komandası 3:1 hesabı ilə Naxçıvan Şəhər Uşaq Gənclər İdman Məktəbinin komandasına qalib gəlib.

Sonda hər iki komanda təşkilatçıların diplom və fəxri fərmanları ilə mükafatlandırılıblar.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti