07 avqust 2020-ci il tarixdə Sədərək​ Rayon Təhsil Şöbəsinin, Naxçıvan Muxtar Respublikası Şahmat Federasiyasının yerli bölməsinin, Sədərək rayon Şahmat məktəbinin  və Təhsil Respublika İdman Mərkəzinin Lənkəran şəhər Uşaq-Gənclər İdman Şahmat Məktəbinin birgə təşkilatçılığı ilə Şahmatçı idmançılar arasında www.lichess.org saytı vasitəsi ilə yoldaşlıq görüşü keçirilib.

Sədərək Rayon Təhsil Şöbəsi tərəfindən elan olunmuş yoldaşlıq oyunu bu gün saat 11:00-da keçirilib.

Görüşdə hər komandada 2 qız, 4 oğlan olmaqla  ümumilikdə 12 oyunçu iştirak edib.

Şveninqen sistemində keçirilən və 2 saat davam edən görüşün yekun nəticələrinə görə Təhsil Respublika İdman Mərkəzinin Lənkəran şəhər Uşaq-Gənclər İdman Şahmat Məktəbinin komadası xal hesabı ilə qalib olub.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti