Babək Rayon Təhsil Şöbəsi tərəfindən şagirdlərin yay tətili müddətində asudə vaxtlarının səmərəli təşkili məqsədilə bir sıra müsabiqə və yarışlar keçirilir. Avqustun 5-də Babək şəhər 2 nömrəli tam orta məktəbdə 14-16 yaş arası şagirdlərin velosiped yarışı keçirilib. Maraqlı keçən yarışın nəticələrinə görə Həsən  Xudiyev I yerə, Uğur Qazıyev II yerə, Məhəmməd Nuriyev isə III yerə layiq görülübdür. Sonda qaliblər diplomla təltif olunublar.

Həmçinin qeyd edək ki, Babək rayon ümumtəhsil məktəblərinin şagirdləri arasında “1 Avqust-Azərbaycan əlifbası və Azərbaycan dili Günün”nə həsr olunmuş onlayn şeir müsabiqəsi də keşirilmişdir. Müsabiqədə 21 məktəb üzrə 27 şagirdin iştirak etdiyi müsabiqədə şagirdlər Azərbaycan dilinə həsr olunmuş şeirlər səsləndirib. Müsabiqənin nəticələrinə görə Babək şəhər-2 nömrəli, Kərimbəyli, Şəkərabad, Didivar, Cəhri qəsəbə 2 nömrəli, Sirab, Kültəpə və Nəhəcir kənd tam orta məktəblərinin şagirdləri fərqləniblər. Fərqlənən şagirdlər diplomla təltif olunublar.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti