Kəngərli Rayon Təhsil Şöbəsi və Uşaq-Gənclər Yaradıcılıq Mərkəzinin birgə təşkilatçılığı ilə rayon ümumtəhsil məktəblərinin müəllimləri və yuxarı sinif şagirdləri arasında “Təmiz həyat - təmiz ekologiya” adı altında təmizlik aksiyası keçirilib. Zəruri sanitar ləvazimatlarla təmin olunmuş ümumilikdə 50-dən artıq müəllim və şagirdin iştirak etdiyi aksiyada Kəngərli rayon Xok kəndi ərazisi bərk məişət və digər növ tullantılardan təmizlənib.

Tədbirin keçirilməsində məqsəd ictimaiyyətin diqqətini ekoloji problemlərin həllinə yönəltmək, təbiəti qorumağın mümkünlüyünü diqqətə çatdırmaq, eyni zamanda insanların ətraf mühitlə qarşılıqlı əlaqəsinə dair bilik və təcrübələrini artırmaq və onlarda ekoloji mədəniyyəti formalaşdırmaqdır.

Sonda Kəngərli Rayon Təhsil Şöbəsinin əməkdaşları bütün ictimaiyyət nümayəndələrini bu kimi tədbirlərdə fəal iştirak etməyə və ətraf mühitin qayğısına qalmağa çağırıb.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti