Naxçıvan Muxtar Respublikası Təhsil Nazirliyi və Gənclər və İdman Nazirliyinin təşkilatçılığı ilə Heydər Əliyev Uşaq-Gənclər Yaradıcılıq Mərkəzində “Yay məktəbi” adı altında memarlıq dizayn və dulusçuluq dərnəklərinin onlayn məşğələsi keçirilib. Məşğələnin keçirilməsində məqsəd uşaqlara gildən müxtəlif formalar düzəltməklə onların fərdi istedadlarını inkişaf etdirməkdir. Məşğələdə mərkəzin 30-dan çox dərnək üzvü iştirak edib.

“Memarlıq, dizayn nədir?” mövzusunda keçirilən məşğələdə dərnək rəhbəri Orxan Əliyev şagirdlərə bildirib ki, memarlıq bir məktəbdir. Bu məktəbin ən yüksək zirvəsində Naxçıvanın əvəzolunmaz memarı Əcəmi Naxçıvani dayanır. Onlayn məşğələdə şagirdlər memarlığın sirlərini öyrənməklə yanaşı, müxtəlif kompüter proqramlarını, dizayn incəliklərini, qədim və müasir dövrün inşaat texnologiyalarını da öyrəniblər.

Həmçinin mərkəzin Dulusçuluq dərnəyinin üzvlərinə də onlayn məşğələ keçirilib.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti