Sədərək Rayon Təhsil Şöbəsi, Naxçıvan Muxtar Respublikası Şahmat Federasiyasının yerli bölməsi və Sumqayıt Şəhər 2 nömrəli Uşaq Gənclər İdman Şahmat Məktəbinin birgə təşkilatçılığı ilə 18 avqust 2020-ci il tarixdə saat 9:00-da www.lichess.org platforması vasitəsi ilə məktəblilər arası onlayn yoldaşlıq görüşü keçirilib. Görüşün təşkilində məqsəd şagirdlərin şahmat biliyinin daha da artırılması və onların yay tətili müddətində asudə vaxtlarının səmərəli təşkilindən ibarət olub. Qarşılaşma 5+1 Blits sistemində keçirilən.

Gərgin və maraqlı keçən görüşün yekun nəticəsinə görə oyun bərabərə bitib.

Qeyd edək ki, Naxçıvan Muxtar Respublikası Təhsil Nazirliyi və Naxçıvan Muxtar Respublikası Şahmat Federasiyasının birgə təşkilatçılığı ilə məktəblilər arasında şahmatın təbliği və inkişafı məqsədilə muxtar respublika məktəblilərinin ölkədaxili və beynəlxalq səviyyəli yarışları təşkil olunur.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti