20 avqust 2020-ci il tarixdə  Şərur Rayon Gənclər və İdman İdarəsi, Uşaq-Gənclər İdman Məktəbi və  Atletika Federasiyasının Şərur Rayon bölməsinin birgə təşkilatçılığı ilə, sağlamlıq imkanları  məhdud idmançılar arasında  Atletika idman növü üzrə 100 metr  məsafəyə qaçış yarışı keçirilib. Yarış Şərur Rayon Olimpiya İdman Kompleksinin stadionunda  təşkil olunan yarışda 9  idmançı  iştirak edib. Gərgin və maraqlı keçən yarışın nəticəsinə görə  Pünhan Səfərov   I yerə,  Engin Novruzov II yerə, Emil Cabbarov isə III yerə  layiq görülüb. Qaliblər təşkilatçılar tərəfindən  diplom  və fəxri fərmanlarla mükafatlandırılıblar.

Həmçinin 19 avqust 2020-ci il tarixdə Şərur rayon Uşaq Gənclər Texniki Yaradıcılıq Mərkəzində “Qardaş saylarının öyrənilməsiˮ mövzusunda onlayn məşğələ keçirilib. Mərkəzin “Mental aritmetikˮ dərnəyinin üzvlərinin iştirakı ilə keçirilən məşğələ dərnək rəhbəri Əli Mehdiyev tərəfindən təşkil edilib.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti