Heydər Əliyev Uşaq-Gənclər Yaradıcılıq Mərkəzində məktəblilərin asudə vaxtlarının səmərəli təşkili, onların bilik və bacarıqlarının möhkəmləndirilməsi, yaradıcılıq qabiliyyətlərinin üzə çıxarılması istiqamətində tədbirlər həyata keçirilir, müxtəlif dərnəklərdə nümunəvi və onlayn məşğələlər təşkil edilir.

21 avqust 2020-ci il tarixdə Mərkəzin Rəsm dərnəyinin rəhbəri Təranə Mirzəyeva tərəfindən dərnək üzvlərinə “Qız qalası” mövzusunda onlayn məşğələ keçirilmişdir. Dərnək rəhbəri Qız qalası haqqında dərnək üzvlərinə ətraflı məlumat verərək tarixi abidənin rəngli karandaşlardan istifadə etməklə  təsvirini canlandırıb. Təranə Mirzəyeva dərnək üzvlərinə təsvirin daha canlı görünməsi üçün həcmini, ölçülərini düzgün seçmələrinin, mühitin real görüntüsü üçün perspektiv və işıq-kölgə qanunlarına əməl etmələrinin vacibliyi haqqında məlumat vermişdir.  Onlayn məşğələdə iştirak edən dərnək üzvləri dərnək rəhbərinin verdiyi məlumatalara əsaslanaraq Qız qalasının təsvirini canlandırmışlar. Məşğələnin sonunda dərnək rəhbəri mövzu ilə bağlı şagirdlərin suallarını cavablandırmışdır.

Eyni zamanda dünən mərkəzdə Gənc riyaziyyatçılar dərnəyinin rəhbəri Nərminə Babayeva “Bucaqların növləri”, Aplikasiya dərnəyinin rəhbəri Rəvanə Nəsirova “Ağ parça üzərində çiçəklərdən aplikasiya hazırlanması” mövzusunda nümunəvi məşğələ, Bacarıqlı əllər dərnəyinin rəhbərləri Miranə Həmzəyeva “Rəngli lentlərdən gül səbətinin hazırlanması”, Nərminə Heydərova “Plastik qaşıqlardan şamdan hazırlanması” mövzusunda onlayn məşğələlər keçmişlər.

Dərnək üzvlərinin iştirakı ilə keçirilən onlayn məşğələlərdə dərnək üzvləri onları maraqlandıran suallara cavab tapmışlar.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti