27 avqust 2020-ci il tarixdə Kəngərli ​ Rayon Təhsil Şöbəsinin, Naxçıvan Muxtar Respublikası Şahmat Federasiyasının yerli bölməsinin, Kəngərli rayon Şahmat məktəbinin  və Təhsil Respublika İdman Mərkəzinin Lənkəran şəhər Uşaq-Gənclər İdman Şahmat Məktəbinin birgə təşkilatçılığı ilə Şahmatçı idmançılar arasında www.lichess.org saytı vasitəsi ilə yoldaşlıq görüşü keçiriləcəkdir.

Kəngərli Rayon Təhsil Şöbəsi tərəfindən elan olunmuş yoldaşlıq oyunu www.lichess.org saytında 10:00-da keçiriləcək. 5 dəqiqə+2 saniyə Şveninqen sistemində keçiriləcək və 1 saat 10-dəqiqə davam edəcək görüşdə hər komandada 2 qız, 4 oğlan olmaqla  ümumilikdə 12 oyunçu iştirak edəcək.

Onlayn qaydada keçiriləcək görüşün yekun nəticəsi Naxçıvan Muxtar Respublikası Təhsil Nazirliyinin teshil.nmr.az rəsmi internet saytında və nmr_tehsilnazirliyi instaqram səhifəsində və Naxçıvan Muxtar Respublikası Şahmat Federasiyasının chess.nax.az rəsmi internet saytında və naxcivan_sahmat_federasiyasi instaqram səhifəsində yerləşdiriləcək.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti