Naxçıvan Muxtar Respublikası Texniki Yaradıcılıq Mərkəzində yay tətili müddətində məktəblilərin asudə vaxtlarının səmərəli təşkili məqsədilə tədbirlər keçirilir. nöbəti belə tədbirlərdən biri də bu gün mərkəzin dərnək üzvlərilə keçirilən “Vaxt bölgüsündə nəyə diqqət etməliyik” mövzusunda müzakirə olub. Müzakirə mərkəzin təşkilati şöbə müdiri Lalə Əliyeva tərəfindən aparılıb. Dərnək üzvlərinə vaxtın düzgün bölünməsində nəyə diqqət etmək lazım olduğu haqqında geniş məlumat verən dərnək rəhbəri qeyd edib ki, əgər vaxtımızı düzgün qrafik və rejimlə bölsək məqsəd və arzularımıza daha asan, vaxtında çatar, dərslərimizi oxumaqla yanaşı istirahətə də zaman ayıra bilərik.

Həmçinin bu gün mərkəzin Texniki rəsmxət dərnəyində də “Göbələyin kağız üzərində təsviri” mövzusunda məşğələ keçirilib. Məşğələ dərnək rəhbəri Jalə Əlizadə tərəfindən  təşkil olunub. Dərnək üzvlərinə rəsm çəkməyin texnikası və sirləri haqqında ətraflı məlumat verən dərnək rəhbəri daha sonra göbələyin kağız üzərində təsvirini çəkib. Məşğələyə həvəslə maraq göstərən dərnək üzvləri də rəsmi öyrənməklə bərabər, həm də təsvir ediblər.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti