Abituriyentlər və subbakalavrlar bu gündən etibarən tam (11 illik) orta təhsil bazasında orta ixtisas təhsili müəssisələrinin və bəzi ali təhsil müəssisələrinin xüsusi qabiliyyət tələb edən ixtisasları (XQTİ) üzrə keçiriləcək xüsusi qabiliyyət imtahanlarında iştirak üçün qabiliyyət imtahanlarına buraxılış vərəqələrini çap edə bilərlər.

Hazırda ali təhsil müəssisələrinə qəbul üçün 20, 21, 22, 23, 24, 25, 27, 28, 29, 30, 31-ci, orta ixtisas təhsili müəssisələrinə qəbul üçün isə 16, 17, 33, 34, 35, 37, 54, 55-ci komissiyalar üzrə buraxılış vərəqələrini çap etmək mümkündür. Digər komissiyalar üzrə imtahana buraxılış vərəqələri avqustun 28-dən etibarən DİM-in saytına yerləşdiriləcəkdir.

Abituriyentlər (subbakalavrlar) buraxılış vərəqələrini  https://eservices.dim.gov.az/erizebak/qabiliyyet/?frm=egov-dan çap edə bilərlər.

26 avqust 2020-ci il tarixindən başlayaraq tam orta təhsil bazasında orta ixtisas təhsili müəssisələrinin XQTİ-ləri üzrə qabiliyyət imtahanları keçiriləcək. Ona görə də kolleclərə qəbul olmaq üçün qabiliyyət imtahanı verəcək abituriyentlərə buraxılış vərəqələrini avqustun 26-dək çap etmələri tövsiyə olunur.