Sədərək Rayon Təhsil Şöbəsi, Naxçıvan Muxtar Respublikası Şahmat Federasiyasının yerli bölməsi, Sədərək rayon Şahmat məktəbi və Balakən Rayon Uşa-Gənclər İdman Şahmat Məktəbinin birgə təşkilatçılığı ilə Şahmatçı idmançılar arasında www.lichess.org saytı vasitəsi ilə yoldaşlıq görüşü keçiriləcəkdir.
Sədərək Rayon Təhsil Şöbəsi tərəfindən elan olunmuş yoldaşlıq oyunu www.lichess.org saytında avqustun 27-də saat 18:00-da keçiriləcək.
5 dəqiqə +1 saniyə biltis sistemində keçiriləcək və 1 saat davam edəcək görüşdə hər komandada 2 qız, 4 oğlan olmaqla, ümumilikdə 12 oyunçu iştirak edəcək.
Onlayn qaydada keçiriləcək görüşün yekun nəticəsi Naxçıvan Muxtar Respublikası Təhsil Nazirliyinin teshil.nmr.az rəsmi internet saytında və nmr_tehsilnazirliyi instaqram səhifəsində və Naxçıvan Muxtar Respublikası Şahmat Federasiyasının chess.nax.az rəsmi internet saytında və naxcivan_sahmat_federasiyasi instaqram səhifəsində yerləşdiriləcək.
Qeyd edək ki, Naxçıvan Muxtar Respublikası Təhsil Nazirliyi və Naxçıvan Muxtar Respublikası Şahmat Federasiyasının birgə təşkilatçılığı ilə məktəblilər arasında şahmatın təbliği və inkişafı məqsədilə muxtar respublika məktəblilərinin ölkədaxili və beynəlxalq səviyyəli yarışları təşkil olunur.
Ülviyyə HACIYEVA
Naxçıvan Muxtar Respublikası
Təhsil Nazirliyinin mətbuat xidməti
