28 avqust 2020-ci il tarixində Sədərək Rayon Təhsil Şöbəsi və Uşaq-Gənclər İdman Məktəbinin birgə təşkilatçılığı ilə ümumtəhsil məktəblərinin qız şagirdləri və İdman məktəbinin oğlan şagirdləri arasında stolüstü tennis üzrə rayon birinciliyi keçirilib.

Birincilikdə çıxış edən İdman məktəbinin direktoru Nizami Bağırov şagirdlərə yarışın keçirilməsi haqqında məlumat verərək uğurlar arzulayıb.

Maraqlı keçən oyunun yekun nəticələrinə əsasən qızlar arasından Sədərək kənd 1 nömrəli tam orta məktəbin IX sinif şagirdi Lalə Adınayev        I yerə, Sədərək kənd 1 nömrəli tam orta məktəbin IX sinif şagirdi İnci Bağırova II yerə,  İdman məktəbinin şagirdi İnci Bağırova III yerə, oğlanlar arasında isə Qabil Qədimov I yerə, Rza Qasımov II yerə, Qədim Bağırov isə III yerə layiq görülüb.

Sonda qaliblər təşkilatçıların diplom və Fəxri fərmanları ilə mükafatlandırılıblar.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti