Sədərək Rayonunun yaradılmasının 30 iliyi və Qardaş Türkiyənin Zəfər Bayramı münasibəti ilə Türkiyənin İzmir Şəhər Deha Satranç Spor Kulübü ilə Naxçıvan Muxtar Respublikasının Sədərək Rayon Uşaq-Gənclər​ Şahmat Məktəbinin şahmatçıları arasında yoldaşlıq görüşü keçiriləcək.

Sədərək Rayon Təhsil Şöbəsi, Şahmat Federasiyasının rayon bölməsi, İzmir Deha Satranç Kulübü və Uşaq-Gənclər Şahmat Məktəbinin birgə təşkilatçılığı ilə Sədərək Rayon Təhsil Şöbəsi tərəfindən elan olunmuş yoldaşlıq oyunu​ www.lichess.org​ saytında sentyabrın​ 4-də saat 17:00-da keçiriləcək.

5 dəqiqə +3 saniyə blitis sistemində keçiriləcək və 1 saat 20 dəqiqə davam edəcək görüşdə hər komandada 2 qız, 4 oğlan olmaqla, ümumilikdə 12 oyunçu iştirak edəcək.

Onlayn qaydada keçiriləcək görüşün yekun nəticəsi Naxçıvan Muxtar Respublikası Təhsil Nazirliyinin teshil.nmr.az rəsmi internet saytında və nmr_tehsilnazirliyi instaqram səhifəsində və Naxçıvan Muxtar Respublikası Şahmat Federasiyasının chess.nax.az rəsmi internet saytında və naxcivan_sahmat_federasiyasi instaqram səhifəsində yerləşdiriləcək.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti