Yay tətili dövründə uşaqların asudə vaxtlarını səmərəli təşkil etmək, şahmatçılar arasında dostluq əlaqələrini inkişaf etdirmək məqsədilə Naxçıvan Muxtar Respublikası Culfa Rayon Uşaq-Gənclər Şahmat Məktəbi ilə Türkiyənin Hatay Şah Şahmat klubu arasında yoldaşlıq görüşü keçirilib. Yarış Naxçıvan Muxtar Respublikası Şahmat Federasiyasının yerli bölməsi, Culfa Rayon Uşaq-Gənclər Şahmat məktəbi və  Hatay Şah Şahmat klubunun birgə təşkilatçılığı ilə Lichess.org saytında onlayn qaydada baş tutub. Yarışda 62 şahmatçı iştirak edib.

90 dəqiqə davam edən görüşdə hər şahmatçıya 5+3 dəqiqə vaxt verilib.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti