Bu gün Culfa Rayon Uşaq Gənclər Şahmat Məktəbində “15 Sentyabr-Bilik Günü” münasibətilə oğlanlar və qızlar arasında şahmat yarışı keçilmişdir.

Yarış Naxçıvan  Muxtar Respublikası Şahmat Federasiyasının Culfa Rayon bölməsi, Culfa Rayon Təhsil Şöbəsi,  Gənclər və İdman İdarəsi və Yeni Azərbaycan Partiyası Culfa Rayon Təşkilatının  Gənclər  Birliyinin birgə təşkilatçılığı ilə keçirilmişdir.

Yarışda  22 şahmatçı iştirak etmişdir. İsveçrə sistemi  üzrə 5 turdan ibarət keçirilən yarışın yekun nəticələrinə əsasən oğlanlar arasında I yerə Sadiq Abbasov, II yerə Əjdər Əhmədov, III yerə Kamil Məmmədov, qızlar arasında isə I yerə Aysun Babayeva, II yerə Şənay Mikayılova, III yerə isə Mirvari Əhmədova layiq görülmüşdür.

Qaliblər təşkilatçılar tərəfindən diplom və qiymətli hədiyyələrlə  təltif olunmuşdur.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti