Babək rayon Çeşməbasar kənd tam orta məktəbində Nehrəm qəsəbə 1 və 2 nömrəli tam orta məktəblərin yeniyetmələrindən ibarət komandalar arasında mini futbol üzrə yoldaşlıq görüşü keçirilib. Babək Rayon Təhsil Şöbəsi və  Gənclər İdman İdarəsinin təşkilatçılığı ilə keçirilən görüşdə Nehrəm qəsəbə 1 nömrəli tam orta məktəbin komandası 7:2 hesabı ilə qalib adını qazanıb. Sonda iştirakçılara təşkilatçıların diplomları təqdim olundu.

Həmçinin şagirdlərin yay tətili günlərində asudə vaxtlarının səmərəli təşkili məqsədi ilə 11 sentyabr 2020-ci il tarixdə “15 sentyabr-Bilik Günü”nə həsr edilmiş rəsm müsabiqəsi keçirilmişdir. Müsabiqədə rəsm dərnəyinin üzvləri və dərnək rəhbəri iştirak etmişdir. Dərnək üzvləri Naxçıvanın qədim abidələrininin təsvirini əks etdirərək mübarizə aparmışdır.

Müsabiqənin nəticəsinə görə Sevil Nəcəfova I yerə, Sərxan Mehdiyev II yerə, Ayan Əliyeva isə III yerə layiq görülmüşlər.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti