Bu gün Kəngərli Rayon Təhsil Şöbəsi və Uşaq-Gənclər İdman Məktəbinin birgə təşkilatçılığı ilə “İdman sağlamlıqdır” mövzusunda açıq havada məşğələ keçirilib.

Məşğələnin  keçirilməsində əsas məqsəd uşaq, yeniyetmə və gənclərin fiziki və mənəvi sağlamlığının təmin edilməsi, gənc nəslə sağlam həyat tərzini təbliğ etmək,  onların fiziki və mənəvi inkişafına yardım etmək, idmana marağın artırılmasından ibarətdir.

Məşğələni giriş sözü ilə açan Uşaq-Gənclər İdman Məktəbinin qrup rəhbəri Tariyel Bağırov bildirib ki, idman cəmiyyətin ən aktiv təbəqəsi olan gəncləri öz ətrafında cəmləməklə pis vərdişlərə meyillənməyin qarşısını alır. İdman sağlamlıqdır, ruhun qidasıdır. Qeyd edilib ki, idman oyunları oynamaq komanda şəklində işləməyə və intizamlı olmağa kömək edir. Eyni zamanda, idman vətənpərvərlik hisslərini də gücləndirir, gənclərimiz vətənpərvərlik ruhunda tərbiyə alırlar.

Sonda şagirdləri maraqlandıran suallar cavablandırılıb.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti