Ordubad Rayon Uşaq Gənclər Yaradıcılıq Mərkəzinin rəsm dərnəyinin rəhbəri Aytəkin Həsənova və Ordubad Rayon Texniki Yaradıcılıq Mərkəzinin Əyləncəli Fizika və Bədii tikmə dərnəklərinin rəhbərləri Fatimə Abbasova və Vəcihə Tağıyeva “Zərərli vərdişlərdən necə qorunmalı” mövzusunda onlayn dərs təşkil etmişlər. Müəllimlər mövzu ətrafında ətraflı danışaraq, sağlamlığa mənfi təsir göstərəcək zərərli vərdişlər və bu vərdişlərdən uzaq durmağın yolları haqqında şagirdlərə geniş məlumat vermişlər. Bildirilib ki, bu vərdişlərin insana vurduğu maddi və mənəvi zərərlərdən uzaq olmaq, sağlam həyat tərzi sürmək üçün şagirdlərə daha çox mütaliə etmək, idmana vaxt ayırmaq lazımdır.

Sonda şagirdləri maraqlandıran suallar müəllim tərəfindən ətraflı cavablandırılmışdır.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti