Sədərək Rayon Təhsil Şöbəsi və Uşaq-Gənclər Yardıcılıq Mərkəzinin birgə təşkilatçılığı ilə ümumtəhsil məktəblərinin şagirdləri arasında “15 sentyabr -Bilik Günü” münasibətilə rəsm müsabiqəsi keçirilib.

Keçirilən müsabiqədə Sədərək Rayon Təhsil Şöbəsi və Uşaq Gənclər Yaradıcılıq Mərkəzinin əməkdaşları və ümumtəhsil məktəblərinin şagirdləri iştirak edib.

Rəsm müsabiqəsində çıxış edən Təhsil Şöbəsinin əməkdaşı Arzuman Abdullazadə keçirilən müsabiqə haqqında şagirdlərə məlumat verərərək müsabiqəni açıq elan etmiş və şagirdlərə uğurlar arzulamışdır.

Maraqlı keçən müsabiqənin yekun nəticələrinə əsasən I yerə Sədərək kənd 1 nömrəli tam orta məktəbin VIII sinif şagirdi ​ Gülayə Əliyeva, II yerə Sədərək kənd 1 nömrəli tam orta məktəbinin VI sinif şagirdi Aysun Abbasova, III yerə isə Sədərək kənd 2 nömrəli tam orta məktəbinin X sinif şagirdi ​ Lalə Qasımova layiq görülmüşlər.

Qaliblər təşkilatçıların diplom və qiymətli hədiyyələri ilə təltif olunmuşlar.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti