Bu gün Kəngərli Rayon Təhsil Şöbəsi tərəfindən “Müəllimlərin pedaqoji bacarıqlarının artırılması” layihəsinin yekun tədbiri keçirilib.

Tədbirdə Təhsil Şöbəsinin əməkdaşları və layihə çərçivəsində ümumtəhsil məktəblərindən onlayn təlimlərdə fəal iştirak edən müəllimlər iştirak edib.

Tədbirdə çıxış edən Təhsil Şöbəsinin baş məsləhətçisi Nilufər Rzayeva təlimlərin keçirilməsinin əsas ideyasını bir daha vurğulayıb. Təlimlər zamanı həm nəzəri biliklərin artırılmasına, həm də praktik bacarıqların inkişafına xüsusi diqqət yetirildiyini qeyd edib.

Bildirilib ki, layihə çərçivəsində təlim materialları və müvafiq sənədlər hazırlanaraq 64 saatlıq təqvim planı tərtib olunub, ümumtəhsil məktəblərində təlimçi müəllimlər müəyyənləşdirilərək kurikulum və pedaqogika üzrə uğurlu təlimlər və onlayn sınaqlar keçirilib.

Yekun vurulan layihənin uğurlu tətbiqi müəllimlərin sertifikasiyaya hazırlıq səviyyəsinə də əhəmiyyətli dərəcədə müsbət təsir edəcəyi qeyd edilib.

Sonda təlimlərdə fəal iştirak edən müəllimlərə sertifikatlar təqdim olunub.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti