Sədərək rayon Heydərabad qəsəbəsində rayonun ümumtəhsil məktəblərinin şagirdləri arasında “Həmişə sağlam olaq” devizi altında mini futbol üzrə yoldaşlıq görüşü keçirilib.

Keçirilən yarışda Təhsil Şöbəsinin, Gənclər və İdman İdarəsinin, Naxçıvan Muxtar Respublikası Futbol Federasiyasının Sədərək rayon bölməsinin əməkdaşları və Uşaq-Gənclər İdman Məktəbinin şagird və müəllimləri iştirak edib.

Yoldaşlıq görüşünün yekun nəticələrinə əsasən Heydərabad qəsəbə komandası Sədərək rayon komandasına 4:2 hesabı ilə qalib gəlib.

Sonda qaliblər təşkilatçıların diplom və fəxri fərmanları ilə mükafatlandırılıb.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti