Bu gün Kəngərli Rayon Təhsil Şöbəsinin və Uşaq-Gənclər İdman Məktəbinin birgə təşkilatçılığı ilə Qıvraq qəsəbəsində yerləşən mini stadionda “Həmişə sağlam olaq” devizi altında mini futbol üzrə rayon birinciliyi  keçirilib.

Yarışın açılış mərasimində çıxış edən Təhsil Şöbəsinin əməkdaşı Yunis Ələkbərov birinciliyin məqsədinin uşaq və yeniyetmələr arasında futbolun kütləviliyinin artırılması və onlar arasında futbola marağın yüksəldilməsi olduğunu bildirib.

Sonra mini futbol yarışına start verilib. Keçirilən yarışda 4 komanda iştirak edib. Yarışın yekun nəticələrinə əsasən, Qarabağlar kənd 2 nömrəli tam orta məktəbin komandası I, Akademik Zərifə Əliyeva adına Şahtaxtı kənd  tam orta məktəbinin  komandası II, Qıvraq qəsəbə tam orta məktəbinin komandası III, Qarabağlar kənd 1 nömrəli tam orta məktəbin komandası isə həvəsləndirici yerə layiq görülüb.

Yarışın sonunda yer tutan komandalar təşkilatçılar tərəfindən diplomlarla mükafatlandırılıblar.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti