Naxçıvan Atletika Federasiyasının rayon bölməsi, Sədərək Rayon Təhsil Şöbəsi və Uşaq-Gənclər İdman Məktəbinin birgə təşkilatçılığı ilə Sədərək rayonunda yerləşən Mərkəzi Stadionda ümumtəhsil məktəblərinin şagirdləri arasında “Həmişə sağlam olaq” devizi altında atletikanın yadro itələmə növü üzrə qızlar arasında rayon birinciliyi keçirilib.

Birincilikdə Atletika Federasiyasının rayon bölməsinin, Təhsil Şöbəsinin əməkdaşları və ümumtəhsil məktəblərinin  idmançı şagirdləri iştirak edib.

Yarışın yekun nəticələrinə əsasən Nərminə Əliyeva I yerə, Duyğu Hüseynova II yerə, Zeynəb Babayeva III yerə, Gülnarə Şirəliyeva və Sevgi Abdullazadə isə həvəslədirici yerlərə layiq görülüblər.

Qaliblər sonda təşkilatçıların diplom və fəxri fərmanları ilə mükafatlandırılıblar.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti