Ekskursiya zamanı muzeyin bələdçisi Aygül Xəlilova Azərbaycanın məşhur hərbi xadimi, briqada komandiri, Kəngərli sülaləsinin sonuncu generalı Cəmşid Naxçıvanskinin  igidliyi, sədaqəti, qəhrəmanlığı, şücaəti, xalqı qarşısında vətənin müstəqilliyi uğrunda danılmaz xidmətləri haqqında geniş məlumatlar vermişdir.

Ekspozisiyada Cəmşid Naxçıvanskinin xatirəsinin əbədiləşdirilməsi, onun uşaqlıq və gənclik, həmçinin hərbi təhsil illəri, birinci Dünya müharibəsində iştirakı, Azərbaycan Xalq Cümhuriyyətinin təşkil etdiyi Milli Ordu quruculuğunda, Azərbaycanda Sovet hakimiyyəti qurulandan sonrakı dövrdə və Moskvada Frunze adına Hərbi Akademiyada hərbi-pedaqoji fəaliyyəti, təltifləri və repressiyaya məruz qalması, eləcə də generalın ailəsi və yaxın qohumları ilə bağlı sənədlər, kitablar, fotoşəkillər və digər eksponatlar, Araz-Türk Respublikasının fəaliyyətindən bəhs edən tədqiqat materialları və tarixi sənədlər sərgilənir.

Ülviyyə HACIYEVA

Naxçıvan Muxtar Respublikası

Təhsil Nazirliyinin mətbuat xidməti